Click 10 yildan ortiq vaqtdan beri odamlarga öz moliyasini oson va işonç bilan boşqarişda yordam berib kelayotgan brend. Kompaniya startapdan IT sohasining yirik öyinçisigaça bölgan yölni bosib ötdi va aynan şu paytda yangilanişga ehtiyoj sezdi.

Bizning vazifamiz Click kompaniyasiga pozitsiyalaş strategiyasini şakllantirişda yordam beriş, kompaniyaning bugungi qudrati va ambitsiyalarini aks ettiruvçi, kengaytirişga moslaşuvçan vizual identifikatsiya yaratiş hamda brendni superilova roliga tayyorlaş edi.

Transformatsiyaning asosini şunday falsafa taşkil etdi: u ilhomlantiradi, quvvat bağişlaydi va Click mahalliy brenddan global ambitsiyalarga ega salmoqli öyinçiga aylanganini taʼkidlaydi. Biz çuqur tahlildan boşladik: trendlarni örgandik, auditoriya fikrlarini töpladik va brend auditini ötkazdik. Bu jarayon bozorning bugungi kutilmalariga javob beriş uçun Click qanday bölişi kerakligini aniqlaş imkonini berdi.

Şunday qilib brendning katta ğoyasi tuğildi: «Swag the money». U Click brendining şijoatli va ambitsiyali xarakterini aks ettiradi va pul bilan muomalani yengil, yoqimli lahzalarga aylantiradi. «Swag the money» özini zör his qiliş, erkinlik va drayv haqida: endi aynan şular brend bilan boğlanadi. Soddaligi tufayli bu ğoya kuçli bölib çiqdi va istalgan kölamda universal qöllaniladi.

Click brendining yangi vizual identifikatsiyasida jasorat, ambitsiya va kengayişga tayyorlik birlaşgan. Mahsulotlar, bölinmalar va kelajakdagi yönalişlarning xilma-xilligini hisobga olib, biz moslaşuvçan va tizimli brend arxitekturasini yaratdik: u kompaniyaning keyingi identifikatsiyalari va yangi xizmatlari uçun uslubni belgilab beradi.

Yangilaniş logotipdan boşlandi. Biz avvalgi şakllar bilan vorisiylikni saqladik, ammo logotipni tozaroq, barqarorroq va kuçliroq qildik. Logotip «make it BOLD» ğoyasining ifodasiga aylandi: u qudratli, oson taniladi va kompaniyaning öz kuçiga işonçini anglatadi. Rang palitrasi ham yangilandi: ötmiş bilan aloqani saqlagan holda yanada yorqin va kontrastli böldi, bu esa dinamika va energiyani taʼkidlaydi.

Tipografika, nutq uslubi va kopirayting brend ruhini taʼkidlaydigan muhim elementlarga aylandi. Dadil şiorlar va fotouslubdagi qahramonlarning hissiyotga boy obrazlari brendni auditoriyaga yaqinlaştirdi va unga özgaça xarakter bağişladi. Biz özini ifodalaş va zör kayfiyatni yetkazadigan imo-işoralarni qöşdik, ular brend vizual tilining bir qismiga aylandi.

Click vizual identifikatsiyasi şunçaki logotip va ranglar emas, balki dinamik tipografika, patternlar, faol vizual obrazlar va dadil kommunikatsiyani öz içiga olgan yaxlit tizim. Şuningdek, biz brend arxitekturasini tizimlaştirib vizuallaştirdik: mahsulotlar uçun logotiplar işlab çiqdik va kelajakdagi barça yönalişlar uçun uslubni belgiladik.